Bókin - netbókabúð

Ljóðmæli Tryggva Emilssonar # 64188 [Forlagsband, kápa]

Verð:	3.900 kr.

Afgreiðslutími:	1-3 dagar, að jafnaði.
Tungumál:	Íslenska
Ástand:	Gott eintak.
Vörunúmer:	#64188

Innihald
Ljóðmæli Tryggva Emilssonar.
Tryggvi fæddist 20. október 1902 í Hamrakoti á Akureyri, og voru foreldrar hans Emil Petersen búfræðingur, bóndi og síðar verkamaður á Akureyri, og kona hans Þuríður Gísladóttir. Tryggvi missti móður sína þegar hann var sex ára gamall, og ólst hann síðan upp í Reykjavík og á ýmsum stöðum norðanlands. Skólamenntun hans var sex vikna undirbúningsnám fyrir fermingu veturinn 1916. Hann var vinnumaður í Árnesi í Tungusveit í fimm ár, bóndi í Bakkaseli og Fagranesi í Öxnadal, verkamaður á Akureyri 1925-1947, og innheimtumaður hjá Rafveitu Akureyrar 1935-1947, en hann studdist við búskap öll árin. Árið 1947 fluttist hann með fjölskyldu sinni til Reykjavíkur og var verkamaður þar, lengst af hjá Hitaveitu Reykjavíkur og eftirlitsmaður við hitaveituframkvæmdir í Reykjavík 1962-1968. Tryggvi var formaður Verkamannafélags Akureyrarkaupstaðar í tvö ár, í stjórn Verkamannafélagsins Dagsbrúnar í Reykjavík í tvo áratugi, þar af varaformaður í sjö ár og lengi ritari. Hann var félagi í Kommúnistaflokki Íslands frá stofnun hans og í Sósíalistaflokknum frá stofnun, en hann sat í miðstjórn hans og gegndi þar ýmsum trúnaðarstörfum.
Tryggvi var sæmdur heiðursmerki Dagsbrúnar fyrir störf í þágu verkalýðshreyfingarinnar og þáði hann heiðurslaun Dagsbrúnar fyrir bókina Fátækt fólk. Eftir hann komu út tvær ljóðabækur 1967 og 1971, en eftir að hann lét af störfum hjá Hitaveitu Reykjavíkur gerðist hann afkastamikill rithöfundur. Æviminningar hans komu út í þrem bindum, Fátækt fólk árið 1976, Baráttan um brauðið 1977 og Fyrir sunnan 1979. Fátækt fólk og Baráttan um brauðið voru báðar tilnefndar af Íslands hálfu til bókmenntaverðlauna Norðurlandaráðs. Auk þess komu út eftir Tryggva skáldsögur, ættfræðirit og barnabók, auk þess sem hann skrifaði fjölda greina í blöð og tímarit um ýmis málefni.

Um bókina
Reykjavík. Heimskringla, 1971.