Bókin - netbókabúð

Sprek # 68367 [Forlagsband]

Verð:	3.900 kr.

Afgreiðslutími:	1-3 dagar, að jafnaði.
Tungumál:	Íslenska
Ástand:	Gott eintak.
Vörunúmer:	#68367

Innihald
Sprek. Ljóð og stökur eftir Jökul Pétursson.
Sprek er fyrsta og eina bók Jökuls Péturssonar.

í Vísi,1. nóvember 1961, er viðtal við Jökul Pétusson ljóðskáld og málarameistara. Tilefni viðtalsins er útkoma ljóðabókarinnar Sprek. Við grípum niður í viðtalið: -
Maður kemst í annarlegt ástand við að sjá fyrstu bókina sína koma á prent. Ég er vafalaust ekki einn um það. Það ríkir óvissa allt í kring um mann. Hvað hefur eiginlega skeð? Hvernig verður þessum „andlegheitum" manns tekið? Þarf maður að sjá eftir þessu, eða á maður lof skilið? Maður stendur sjálfur eins og stórt spurningamerki frammi fyrir ráðgátu.
— Ert þú atómskáld?
— Nei, biddu sannan fyrir þér. — Ertu á móti þeim?
— Ég kann betur við gamla lagið. Mér finnst hefðbundni stíllinn og rímið henta ljóðagerð okkar íslendinga. Annað eigi þar ekki heima.
--------
Veður var slæmt, ausandi rigning og ég treysti mér ei út. Mér leiddist. — Hundleiddist. En þá kom andinn allt í einu yfir mig og eg orti þá í einum dómadagshvelli rímu af Pétri Salómonssyni Gullstrandarjarli. Þar í er þetta stef um Selsvararbardaga kappans:

Pétur barði, Pétur hjó
Pétur harða sýndi kló.
Pétur varðist, Pétur hló,
Péturs skorðast hvergi ró.

Og niðurlagið á Pétursrímu er þannig

Lent er brátt og lyndi kátt,
leikur þrátt við ölduslátt.
Kveðið hátt, en hafið blátt
hlustar dátt á rímna þátt.

Um bókina
Reykjavík. Gefið út af höfundi 1961.