Bókin - netbókabúð

Stuttljóð # 52059 [Forlagsband]

Verð:	2.900 kr.

Afgreiðslutími:	1-3 dagar, að jafnaði.
Tungumál:	Íslenska
Ástand:	Gott eintak.
Vörunúmer:	#52059

Innihald
Stuttljóð. Raunsæ lífspeki. Textar Sveinn Bergsveinsson, teikningar Halldór Pétursson.
Dr. Sveinn Bergsveinsson fæddist í Aratungu í Staðardal í Steingrímsfirði 23. október 1907. Foreldrar hans voru Bergsveinn Sveinsson bóndi þar og kona hans, Sigríður G. Friðriksdóttir húsfreyja.
Svo til strax eftir fæðingu var Sveinn fluttur til frændfólks síns sem bjó á Kirkjubóli í sömu sveit. Þar ólst hann upp við þau skilyrði sem í þá daga tíðkuðust og vann hann flest störf sem til féllu eftir bestu getu og samvisku.
Sveinn var fljótur að læra lestur og skrift og hneigðist hugur hans í aðra átt en að búskap frænda sinna. Sautján ára fór hann til sjós við Steingrímsfjörð og einnig vann hann í Hnífsdal við beitingar og aðgerð. En á 20. aldursári kveður hann heimabyggð sína og heldur til Akureyrar og lætur innrita sig í menntaskólann þar. Til að standa straum af skólaverunni vann hanná sumrin við vegavinnu eða á síldarplönunum á Siglufirði. Sveinn las 5. bekk utanskóla og lauk svo stúdentsprófi frá Akureyri vorið 1932. Þá um haustið innritaðist hann í íslensk fræði í Háskóla Ís lands. Árið 1936 lauk hann þar cand. mag.-prófi og hélt til framhaldsnáms í Berlín. Í miðju kafi námsins skall seinni heimsstyrjöldin á og lokaðist Sveinn inni á hernámssvæði Þjóðverja. Það voru erfiðir tímar, en honum tókst að verja doktorsritgerð sína, skrifaða á þýsku, um íslenska setningahljóð fræði, við Kaupmannahafnarháskóla árið 1941.
Sveinn veiktist af berklum 1944 og lá sjúkur innan um rústirnar í Berlín þar til hann komst til Kaupmannahafnar og síðar til Íslands og á Vífilstaði þar sem hann lá veikur í tvö ár.
Sveinn fékk styrk til að rannsaka skáldskap Stefáns frá Hvítadal, kenndi þýsku við MR og íslensku við Gaggó Vest, starfaði við Orðabók Háskólans og við nýyraðsöfnun. Árið 1953 fékk hann stöðu við Humbolt Háskólann í Austur-Berlín og dvaldi í Þýskalandi til dauðadags.
Þau 35 ár sem Sveinn var búsettur í Austur-Berlín var hann iðinn við skriftir. Hann gaf út íslenskþýska orðabók, sem mjög er rómuð, og skrifaði margar fræðigreinar um hljóðfræði í erlend tímarit, svo og skáldskap, ljóð, sögur, smásögur og leikrit sem sumt hefur birst á prenti á þýsku og dönsku. Sveini gekk alltaf illa að fá ritverk sín gefin út á Íslandi. Honum þótti bæði Ríkisútvarpið og bókaútgefendur skella á sig dyrum. Slíkt kom Sveini reyndar ekki á óvart, því að skáldskapur hans var hvorki hugsaður sem söluvara né eftirhermur af viðurkenndum skáldskap, heldur sem innlegg frá eigin brjósti. Það kunnu íslenskir menningarvitar ekki að meta að hans dómi. Sveinn ákvað því að reynaað gefa út hluta verka sinna á eigin kostnað. Þannig hafa komið út Stutt ljóð árið 1983, sem til urðu er hann vann við Spegilinn, og smásagnasafnið Eylönd árið 1987.

Um bókina
Reykjavík. Höfundur gaf út, 1982.

Þeir sem keyptu þessa bók keyptu einnig

Nokkur ljóðmæli # 63951

Einn dag enn # 79444