Bókin - netbókabúð

Vísur Bergþóru # 76133 [Forlagsband]

Verð:	3.900 kr.

Afgreiðslutími:	1-3 dagar, að jafnaði.
Tungumál:	Íslenska
Ástand:	Gott eintak.
Vörunúmer:	#76133

Innihald
Vísur Bergþóru. Ljóð eftir Þorgeir Sveinbjarnarson.
Þorgeir Sveinbjarnarson fæddist og ólst upp á Efsta-Bæ í Skorradal, sonur hjónanna Sveinbjarnar Bjarnasonar og Halldóru Pétursdóttir. Þorgeir stundaði nám í Hvítárbakkaskóla, lauk prófi frá sænskum lýðháskóla og stundaði framhaldsnám í Statens Gymnastikinstitut í Kaupmannahöfn Web Site. Hann var íþróttakennari við Laugaskóla í Reykjadal frá 1931- 1944 og forstjóri Sundhallar Reykjavíkur frá 1945 til dauðadags.
Þorgeir kvæntist Bergþóru Davíðsdóttur og saman eignuðust þau þrjú börn. Bergþóra lést árið 1952, þremur árum fyrir útkomu bókarinnar. Vísum Bergþóru var vel tekið og Þorgeir varð þjóðkunnugt skáld. Hann nýtti sér hefðina í ljóð sem bæði þóttu prýðilega ort, hnyttin og skemmtileg. Þorgeir telst til módernista í íslenskri ljóðagerð og í seinni ljóðabókum sínum tveimur, Vísum um drauminn 1965 og Vísum jarðarinnar 1971 gerði hann frekari tilraunir með form ljóða sinna og vék í þeirri þriðju alveg frá rími og stuðlum. Þorgeir birti einnig ljóð og greinar í ýmsum blöðum og tímaritum og birti þýðingar á smásögum. Hann skrifaði ásamt Guðmundi Sigurjónssyni Hofdal kennslubók í Glímu sem út kom árið 1968. Þorgeir hlaut rithöfundaverðlaun Ríkisútvarpsins árið 1966. Við nokkur ljóða Þorgeirs hafa verið gerð lög, sem dæmi má nefna 12 sönglög Jóns Hlöðvers Áskelssonar við jafnmörg ljóð bókarinnar Vísur um drauminn. Eitt þeirra nefnist Lauf.

Um bókina
Reykjavík, 1955.