Bókin - netbókabúð

Slitur # 83012 [Óbundin]

Verð:	9.500 kr.

Afgreiðslutími:	1-3 dagar, að jafnaði.
Tungumál:	Íslenska
Ástand:	Gott eintak.
Vörunúmer:	#83012

Innihald
Slitur. Eftirlegukindur, tíndar saman úr öskuhrúgu. Ljóð eftir Valdimar Jónsson frá Hemru. Útgefið í tilefni af áttræðisafmæli dætra hans, Höllu og Sigrúnar 9. janúar 2016.
Valdimar Jónsson fæddist í Hemru í Skaftártungu í október 1892. Foreldrar hans voru Jón hreppstjóri og dannebrogsmaður Einarsson og kona hans Hildur Vigfúsdóttir hreppstjóra Bótólfssonar á Flögu.
Valdimar lauk kennaraprófi frá Kennaraskólanum í Reykjavík vorið 1914 og þá um haustið hóf hann barnakennslu. Hafði hann með höndum kennslu í Skaftártungu, Álftaveri og Mýrdal. Eftir fráfall föður síns 1922 tók Valdimar við búi í Hemru og hreppstjórn í Skaftártungu og var auk þess sýslunefndarmaður. Barnaskólastjóri í Vík varð hann árið 1933 og gengdi því starfi til dauðadags. Bjó hann jafnan búi sínu í Hemru en því var stjórnað í fjarveru hans af Guðrúnu systur hans og Sigurði Árnasyni uppeldisbróður hans.
Valdimar var kvæntur Sigurveigu Guðbrandsdóttur frá Loftsölum í Mýrdal og áttu þau tvíburana Sigrúnu og Þórhöllu.
Valdimar lést í september 1948 og var banamein hans krabbamein.
Ljóðin sem hér birtast skrifaði hann upp síðustu mánuðina sem hann lifði. Síðust eru ljóðin sem ort voru 1947 og 1948 en þá var hann orðin fársjúkur. Til er töluvert af óbundnu máli eftir Valdimar. Hann flutti oft erindi um ýmis mál og var oft beðin um að flytja ræður á ýmsum samkomum í Vík og víðar. Valdimar þótti góður kennari og ver íslenskan honum sérstaklega hugstæð.

Um bókina
Reykjavík. Háskólaprent, 2016.