Bókin - netbókabúð

Frá torfbæ til tölvualdar á 50 árum # 75094 [Forlagsband, kápa]

Verð:	3.900 kr.

Afgreiðslutími:	1-3 dagar, að jafnaði.
Tungumál:	Íslenska
Ástand:	Gott eintak.
Vörunúmer:	#75094

Innihald
Frá torfbæ til tölvualdar á 50 árum. Stefán Bjarnason í Flögu segir frá.

Stefán hefur um langt skeið haldið dagbækur um markverða atburði í sínu lífi og á Héraði. Einnig hefur hann skrifað þætti í Múlaþing, rit sem Múlasýslur gefa út, og fréttabréf úr Skriðdal sem um langt skeið hafa birst í vikublaðinu Austra. Auk þessa hefur Stefán skrifað fjöldann allan af minningar- og afmælis greinum um samferðarfólk sitt. Stefán gefur sjálfur út bókina sem prentuð er í Héraðsprenti á Egilsstöðum. Bókin er 253 blaðsíður prýdd fjölda mynda.
Stefán Bjarnason fyrrum bóndi í Flögu er nú aldurhniginn en ljón frískur maður. Hann var sveitar höfðingi sem gegndi fjölmörgum trúnaðarstörfum fyrir sveitunga sína. Stefán skrifar látlaust og gott mál og á þessu máli skýrir hann frá reynslu sinni, vonum og störfum á 50 ára búskaparferli. Á síðunum birtist einnig fjölskylda hans og fjölmargir sveitungar og samferðarmenn við störf og skemmtan. Stundum berst sagan út fyrir Skriðdalinn niður til Reyðarfjarðar suður á land og til Svíþjóðar.
Í bókinni er rakin þróunarsaga af vænu býli austur á Héraði. Framfaraskref eru tímasett og skýrt með hverjum hætti þau voru stigin. Einnig er áhugavert að fylgjast með höfundi, fólki hans og sveitungum á þessum síðum. Þarna segir frá fólki sem skapar sér sjálft lífsnautnir og gagnsemdir. Gerir vísur, leikur og syngur, snýst við sauðkindur, kýr og hesta. Einnig segir frá innreið tækninnar í íslenskan landbúnað. Frá torfbæ til tölvualdar er því búskaparsinfónía með upplyftingu.

Um bókina
Egilstaðir, 1990.