Bókin - netbókabúð

Hagalagðar # 55218 [Óbundin]

Verð:	3.900 kr.

Afgreiðslutími:	1-3 dagar, að jafnaði.
Tungumál:
Ástand:	Gott eintak, áritað.
Vörunúmer:	#55218

Innihald
Hagalagðar. Smásögur eftir Einar Þorkelsson.
Sögurnar eru; - Munaðarleysingjar ; Á banasænginni ; Lært hjá ömmu ; Kápa ; Mera-Grímur ; Röddin ; Ólíkindatólið ; Heimþrá.
Einar Þorkelsson fæddist að Borg á Mýrum 11.6. 1867, sonur séra Þorkels Eyjólfssonar og Ragnheiður Pálsdóttur. Einar var yngstur tíu systkina sem lifðu en önnur sjö létust í bernsku. Fjölskyldan flutti að Staðastað á Snæfellsnesi er Einar var um 8 ára. Faðir hans var um skeið heimiliskennari hjá Jóni Thorstensen landlækni, kenndi samhliða, ýmsum undir skóla og hafði jafnan pilta í námi, eftir að hann tók prestvígslu.
Einar nam hjá föður sínum og varð vel að sér. Hann bjó nokkur ár á Búðum, en síðar í Ólafsvík og Stykkishólmi og sinnti þá einkum kennslu. Árið 1905 kom hann til Reykjavíkur og vann í fyrstu að skriftum á Þjóðskjalasafninu sem dr. Jón Þorkelsson bróðir hans veitti forstöðu. Einar hafði einkar fagra og stílhreina rithönd líkt og mörg skjalaafrit hans votta.
Árið 1909 hóf hann störf á skrifstofu Alþingis og varð síðan fyrsti fastráðni skrifstofustjóri þess, 1914-23. Einar bjó í Alþingishúsinu ásamt eiginkonu sinni, Ólafíu Guðmundsdóttur, frá 1918 til 1923. Það er eina dæmið um íbúa í húsinu. Þau eignuðust tvo drengi meðan þau bjuggu þar.
Eftir að Einar lét af störfum hjá Alþingi hóf hann að sinna ritstörfum og komu frá hans hendi þrjú smásagnasöfn. Málfarið var hreint og kjarnyrt og sögur hans báru vitni næmum skilningi á „smælingjum“ jafnt í hópi manna sem dýra.

Um bókina
Reykjavík, 1928.