Bókin - netbókabúð

Felsenborgarsögur # 52909 [Forlagsband, kápa]

Verð:	4.900 kr.

Afgreiðslutími:	1-3 dagar, að jafnaði.
Tungumál:	Íslenska
Ástand:	Gott eintak.
Vörunúmer:	#52909

Innihald
Felsenborgarsögur. Ævintýralegar sögur sæfarenda í Suðurhöfum. Sögur eftir Johann Gottfried Schnabel. Guttormur Guttormsson, Daði Níelsson og Ari Sæmundsson þýddu.

Bókaútgáfan Muninn auglýsir Felsenborgarsögur í Morgunblaðinu á útgáfudag bókarinnar, 18. september 1956.

Hinar frægu FELSENBORGARSÖGUR
koma í bókaverzlanir í dag í nýrri og vandaðri útgáfu, um 370 bls. að stærð, í vönduðu bandi og smekklegri hlífðarkápu. Felsenborgarsögurnar voru prentaðar á Akureyri 1854 og eru nú með allra torgætustu 19. aldar bókum, því að þær voru bókstaflega lesnar upp til agna. Þýðinguna gerðu Ari Sæmundsson og Guttormur Guttormsson.
Felsenborgarsögurnar eru fyrir löngu orðnar þjóðsagna„persóna", sem fáir hafa séð en allir vilja kynnast. Fjölmargir íslenzkir rithöfundar hafa minnzt á þær í ritum sínum og hefur það aukið forvitni manna á að kynnast þessari bók, enda eru það ekki ýkjur þó sagt sé, að rifist sé um hvern skækil af bókinni, hvar sem hann fyrir finnst. Nú gefst kostur á að lesa bókina og hver svo sem dómur manna verður um hana, þá verður því aldrei neitað að hún er rómantísk og skemmtileg.
Felsenborgarsögurnar eru nú prentaðar óstyttar og óbreyttar og er engu stungið undir stól af þeim mergjuðu köflum, sem helzt hefur verið vitnað til, þegar þessa bók hefur borið á góma. En eins og geta má nærri, hafa þær tilvitnanir ekki alltaf verið nákvæmar.
Felsenborgarsögurnar verða áreiðanlega aðalskemmtilestur haustsins og ættu menn ekki að draga lengi að fá sér eintak.

Um bókina
Reykjavík. Muninn, 1956.