Contents:
Ísland. Atvinnuhættir og menning 2010. Ritstjórar Árni Emilsson og Sturla Böðvarsson. Ljósmyndir Magnús Viðar Heimisson og Pétur Rúnar Heimisson.
Höfundar efnis eru dr. Ólafur Ragnar Grímsson, dr. Ágúst Einarsson, Guðbjörg Jóhannesdóttir, Hrafnkell Gíslason, Jóhann Sigurjónsson, Katrín Jakobsdóttir, Kristinn Pálsson, Ólafur Þ. Harðarson, Páll Harðarson, Pétur H. Ármannsson, Salvör Nordal, Soffía Auður Birgisdóttir, Þorgeir Pálsson og Valgeir Skagfjörð.
Ritverkið geymir upplýsingar um helstu fyrirtæki, félög, stofnanir og samtök í landinu.
Í ritverkinu verða yfirlitsgreinar sérfróðra manna um sögu og menningu, land, þjóð og stjórnkerfi ríkis og sveitarfélaga, skóla og menntamál, heilbrigðismál o.fl.. Fjallað verður um alla helstu atvinnuvegi þjóðarinnar, ferðaþjónustu, sjávarútveg og vistkerfi hafsins, landbúnað, iðnað, orkumál, útflutning, umhverfisvernd, landgræðslu, skógrækt og samgöngur. Ennfremur leiklist og íslenska kvikmyndagerð. Einnig verða upplýsingar um stofnanir ríkis og sveitarfélaga auk greina um almenn atvinnufyrirtæki, félög, stofnanir og samtök flokkuð eftir atvinnugreinaflokkun.
Gert er ráð fyrir að mikill fjöldi fyrirtækja, félaga, stofnana og samtaka eigi aðild að ritverkinu, sem prýtt verður fjölda ljósmynda og bundið í vandað band í stóru broti. Aðilar verksins senda að jafnaði sjálfir inn texta og myndir. Má því segja að atvinnu- og menningarsaga þjóðarinnar sé skráð þar sem hún verður til.
Ritverkið ÍSLAND, atvinnuhættir og menning geymir á einum stað upplýsingar um fjölþætt efni og veitir einstaka yfirsýn yfir atvinnulíf, sögu og menningu þjóðarinnar. Ritverkið fer í bókasöfn, skóla, hundruði fyrirtækja, félaga, stofnana og samtaka sem nýtast menntastofnunum og öllum þeim sem þurfa að leita upplýsinga um atvinnuhætti og menningu líðandi stundar.
|
