Bókin - netbókabúð

Að gefnu tilefni. Deilurit # 64335 [Óbundin]

Verð:	9.500 kr.

Afgreiðslutími:	1-3 dagar, að jafnaði.
Tungumál:	Íslenska
Ástand:	Gott eintak, áritað til Hrólfs Sveinssonar "Með kæru þakklæti fyrir stuðning við sjóðinn".
Vörunúmer:	#64335

Innihald
Að gefnu tilefni. Deilurit eftir Þorgeir Þorgeirson.
Gott eintak, áritað til Hrólfs Sveinssonar "Með kæru þakklæti fyrir stuðning við sjóðinn".

Þorgeir Þorgeirson rithöfundur, þýðandi og kvikmyndagerðarmaður. Hann er einna þekktastur fyrir að hafa þýtt Alexis Sorbas eftir Nikos Kazantzakis og margar bóka William Heinesen á íslensku. Hann er einnig þekktur fyrir greinaskrif sín, baráttu sína við Mannréttindadómstólinn í Evrópu og deilur sína við íslenska ríkið sem snerist um að fá leyfi til að skrifa Þorgeirson með einu s-i.
Þorgeir varð stúdent frá Menntaskólanum í Reykjavík 1953. Þá lærði hann þýsku, sálfræði og listasögu við háskólann í Vínarborg 1953 til 1954, dvaldi á Spáni 1954, lærði sjónvarpsleikstjórn í París 1955 til 1956 og kvikmyndastjórn í listaakademíunni í Prag 1959 til 1962. Þorgeir gerði kvikmyndina Maður og verksmiðja í anda evrópsku framúrstefnunnar árið 1968.
Þorgeir starfaði við kvikmyndagerð 1962 til 1972 samhliða leiðsögustörfum hjá Ferðaskrifstofu ríkisins. Hann vann við ýmis ritstörf, þýðingar og leikstjórn í útvarpi frá 1962. Kennari var hann við Leiklistarskóla SÁL árin 1973 til 1976.
Þorgeir vann mál gegn íslenska ríkinu fyrir Mannréttindadómstóli Evrópu 1992 eftir að hafa verið dæmdur í Hæstarétti fyrir greinaskrif um lögregluna í Morgunblaðið 1983. Í greinni reifaði Þorgeir nokkur atvik sem hann taldi sig hafa heimildir fyrir, og kom þar fram að lögreglan beitti oftsinnis ofbeldi í starfi sínu og hafi menn hlotið líkamstjón af, jafnvel örkuml. Í greinum Þorgeirs notaði hann orð eins og „einkenniskædd villidýr“, „einkennisklædd óargadýr“ og „lögregluhrottar“.

Um bókina
Reykjavík. Leshús, 1988. Málsvarnarsjóður Þorgeirs Þorgeirsonar.