Bókin.is - Bookshop

Þættir og þjóðsögur # 82815 [Forlagsband, kápa]

Our Price:	2.900 kr.

When dispatched:	1-3 dagar, að jafnaði.
Language:	Íslenska
Condition:	Gott eintak.
Product no.:	#82815

Contents:
Þættir og þjóðsögur eftir Stefán Jónsson á Höskuldsstöðum. Þetta er fjórða bindi í ritsafni Stefáns á Höskuldsstöðum.
Hér eru þættir af Pétri Pálmasyni i Vatnsdal og er sá þáttur að verulegu leyti byggður á frásögnum Símonar Eiríkssonar í Litladal. Pétur Pálmason var annálaður glímumaður, harðfengur og kappsfullur. Hann var mikils metinn í sinni sveit og tókst á hendur ýmis trúnaðarstörf fyrir sveitunga sína. Þá er hér þáttur af Jóni godda, kynlegum kvisti, sem samneytti þeim úr neðra, að því er fólk sagði. Sá gamli hirti úr honum augun, eftir því sem sagnir herma.
Þáttur um Eirík á Óslandi og Guðvarð í Tungu fjallar að mestu um bændur í Fljótum og reyndar víðar, en uppistaðan í þætti af Pétri Guðmundssyni hagyrðingi eru vísur hans og sagnir, sem lúta að þeim þáttum. Þáttur um börn Ólafs prests Tómassonar í Blöndudalshólum snýst að mestu leytu um Stefán fína, sem svo var nefndur, förumann í Húnaþingi, og koma þó fleiri við sögu.
Allstór hluti þessa bindis er lagður undir þjóðsögur og munnmæli sem Stefán skráði á fyrstu áratugum aldarinnar. Flestar eru sögurnar úr Skagafirði og Húnaþingi, m.a. er sérstakur þáttur um Magnús sálarháska.
Síðastur fer þáttur um menn þá, sem leituðu í húsakynnum í Bólu 28. nóvember 1828. er þjófnaðargrunur féll á Bólu-Hjálmar skáld.

Product details:
Sögufélag Skagfirðinga, 1987.