Bókin - netbókabúð

Galdrar á Íslandi. Íslensk galdrabók # 81180 [Forlagsband]

Verð:	9.500 kr.

Afgreiðslutími:	1-3 dagar, að jafnaði.
Tungumál:	Íslenska
Ástand:	Gott eintak.
Vörunúmer:	#81180

Innihald
Galdrar á Íslandi. Íslensk galdrabók. Eftir Matthías Viðar Sæmundsson.
Þessi bók inniheldur galdrahandrit sem er einstæð heimild um galdra eins og þeir voru iðkaðir herlendis á 17. öld. Raunar á þetta handrit sér enga hliðstæðu í Norður-Evrópu enda var slíkum ritum tortíms eftir fremsta megni á galdratímanum. Hér á landi varð hópur fólks eldinum að bráð fyrir þær sakir einar af hafa galdrahandrit á borð við þetta í fórum sínum.
Galdrahandritinu fylgir viðamikil ritgerð eftir Matthías Viðar Sæmundsson og nefnist hún Var þá þytur í lofti. Frá rúnaristum til dauðsmannsbeina. Í henni er brugðið óvæntu ljósi á þekkingarheim sem að mestu hefur verið á huldu. Fjallað er um galdra hér á landi og í alþjóðlegu samhengi, heiðnar rætur, og átök sem urðu í íslensku þjóðfélagi eftir siðaskiptin og á 17. öld, en þá fór fram "Kristnitaka hin síðari" að mati höfundar, heiðinni þjóðmenningu var útrýmt með báli og brandi. Matthías Viðar skrifar að auki ýtarlegar skýringar við einstaka galdra, þar sem fjallað er um táknmál þeirra, tækni, sögulegar fyrirmyndir, og síðast en ekki síst - virkni þeirra og áhrifamátt.
Saga galdrahandritsins er bæði óljós og einkennileg, en því virðist hafa verið smyglað úr landi um miðja 17. öld. Síðan þá hefur það verið varðveitt á safni í Stokkhólmi og kemur nú út í fyrsta sinn á Íslandi. Hér opnast mönnum heillandi heimur heiðni, rúna og goðsagna, og svo hugarfar sem lifði með þjóðinni í andstöðu við kristnina öldum saman. Í þessum heimi var ekkert ómögulegt, enda var fátt eftirsóknarverðara en galdraritið, uppspretta máttarins. (Káputexti).

Um bókina
Reykjavík. Almenna bókafélagið, 1993.