Bókin - netbókabúð

Baldvin Einarsson og þjóðmálastarf hans # 69839 [Óbundin]

Verð:	2.900 kr.

Afgreiðslutími:	1-3 dagar, að jafnaði.
Tungumál:	Íslenska
Ástand:	Gott eintak.
Vörunúmer:	#69839

Innihald
Baldvin Einarsson og þjóðmálastarf hans. Nanna Ólafsdóttir tók saman.
Baldvin Einarsson, lögfræðingur, ritstjóri og náttúrufræðinemi, fæddist á Molastöðum í Fljótum 2.8. 1801. Hann var sonur Einars Guðmundssonar, umboðsmanns á Hraunum i Fljótum, og k.h., Guðrúnar Pétursdóttur frá Skeiði í Svarfaðardal. Frá þeim er kominn fjöldi þekktra verkfræðinga.
Baldvin þótti býsna vinnusamur unglingur, gekk í öll störf á búi foreldra sinna er hann hafði aldur til og var orðinn formaður á hákarlaskipi föður síns er hann var 17 ára. Hann lærði undir skóla hjá séra Jóni Konráðssyni, var í Bessastaðaskóla 1822-25, var skrifari hjá Grími Jónssyndi amtmanni, lauk lagaprófi frá Háskólanum í Kaupmannahöfn 1831 og stundaði nám í náttúrufræði við Fjöllistaháskólann í Höfn.
Baldvin var ritstjóri tímaritsins Ármanns á Alþingi, ásamt Þorgeiri Guðmundssyni, en Baldvin samdi mestan hluta efnisins og komu út fjórir árgangar ritsins. Sú útgáfa er gjarnan talin marka upphaf sjálfstæðisbaráttunnar á 19. öld.
Eftir Baldvin liggja m.a. Ritgerð um birkiskóga viðurhald sem kom út í Kaupmannahöfn 1827 og í íslenskri þýðingu í Reykjavík árið 1848 og Bemærkninger om den gamle islandske Lov Graagaasen en sú ritgerð kom ekki út fyrr en eftir andlát Baldvins, árið 1834.
Baldvin háði ritdeilu við Rasmus Kristian Rask sem spannst af þýðingum C.C. Rafns á Jómsvíkinga og Knytlinga sögum.
Baldvin giftist danskri konu en afkomendur þeirra búa í Þýskalandi. Baldvin lést 9.2. 1833, af völdum sára er hann hlaut er kviknaði í rekkjuvoðum í Kaupmannahöfn.

Um bókina
Reykjavík. Hið íslenzka bókmenntafélag, 1961.