Bókin - netbókabúð

Deilurit eftir Guðmund Andrésson # 35628 [Óbundin]

Verð:	6.900 kr.

Afgreiðslutími:	1-3 dagar, að jafnaði.
Tungumál:	Íslenska
Ástand:	Ágætt eintak.
Vörunúmer:	#35628

Innihald
Deilurit eftir Guðmund Andrésson. Jakob Benediktsson bjó til prentunar.
Guðmundur var frá Bjargi í Miðfirði. Hann nam í Hólaskóla og útskrifaðist þaðan með góðum vitnisburði að eigin sögn. Hann var skamma hríð djákn á Reynistað en missti það starf fljótlega, ef til vill vegna barneignarbrots með Arnfríði nokkurri Jónsdóttur. Eftir það mun Guðmundur mest hafa fengist við að búa pilta undir skólanám en auk þess samdi hann á þeim árum tvær ritgerðir og var önnur þeirra dulbúin ádeila á Þorlák biskup Skúlason en hin var gagnrýni á stóradóm. Vegna hinnar síðarnefndu var Guðmundur tekinn höndum og fluttur til Kaupmannahafnar og hafður um skeið í haldi í Bláturni. Hann hlaut þó brátt náð af konungi en var bannað að snúa aftur til föðurlandsins. Hann stundaði síðan háskólanám í Höfn og sinnti fornfræðastörfum undir handarjaðri Ole Worms. Eftir hann liggur latnesk íslensk orðabók, Lexicon Islandicum sem út kom 1683. Þá samdi hann skýringar bæði við Hávamál og Völuspá og var latnesk þýðing hans á Völuspá gefin út 1673. Guðmundur orti talsvert og mun hafa verið fyrstur til að yrkja rímur út af grískum goðsögum, Persíus rímur, og einnig trúlega Bellerofontis rímur.

Um bókina
Kaupmannahöfn : Hið íslenzka fræðafélag, 1948. lviii, 168, [2] s., [1] mbl. : ritsýni ; 22 sm.