Bókin.is - Bookshop

Miðvikudagar í Moskvu # 81295 [Forlagsband, kápa]

Our Price:	3.900 kr.

When dispatched:	1-3 dagar, að jafnaði.
Language:	Íslenska
Condition:	Gott eintak.
Product no.:	#81295

Contents:
Miðvikudagar í Moskvu. Árni Bergmann segir frá.
Enginn Íslendingur hefur kynnst sovésku samfélagi eins náið og Árni Bergmann. Hann fór ungur til háskólanáms í Moskvu og dvaldist þar um margra ára skeið. Námsár hans í Moskvu voru einn merkilegasti umbrotatími í sögu Ráðstjórnarríkjanna eftir stríð.
Þetta er tímabil leyniræðu Krústjoffs og fyrstu bóka Solzenitsíns - tími bjartra vona um að Sovétríkjunum tækist að leysa sig úr viðjum Stalínismans.
Árni kristallar lífsviðhorf þeirrar kynslóðar sem mótaðist við þessar aðstæður, vonir hennar, og ekki síður vonbrigðin þegar á leið. Við kynnumst hér litríku mannlífi, listamönnum og stúdentum, andófsmönnum jafnt sem jábræðrum skipulagsins og þá ekki síst því hvunndagsfólki sem ekki verður flokkað á þennan hátt. Í frásögnum af þessu fólki má greina örlagasögu sovésku þjóðanna á tuttugustu öld. Árni Bergmann hefur um nokkurt skeið lagt fram mikilvægan skerf í menningar- og þjóðfélagsumræðu hérlendis. Í krafti margþættrar reynslu sinnar og víðtækjrar þekkingar hefur honum tekist að þoka þeim umræðum úr lágkúru og einhæfni til víðsýnni og margþættari viðhorfa.

Product details:
Reykjavík. Mál og menning, 1979.