Bókin.is - Bookshop

Kvæði eptir Undínu # 61018 [Forlagsband]

Our Price:	9.500 kr.

When dispatched:	1-3 dagar, að jafnaði.
Language:	Íslenska
Condition:	Gott eintak.
Product no.:	#61018

Contents:
Kvæði eptir Undínu. Með myndum.
Undína (1858 - 1941 ) var frá Litlu-Ásgeirsá í Víðidal í Húnaþingi, dóttir Baldvins Helgasonar og Soffíu Jósafatsdóttur. Þau settust fyrst að í Rousseau í Muskoka í Ontario en síðar í Norður Dakota. Undína var tvígift, fyrri eiginmaðurinn var drykkfelldur og hún skildi við hann, sá síðari dó 1904.
Síðan bjó hún á vesturströndinni til dauðadags, síðustu árin í skjóli Sophiu dóttur sinnar. Undína orti mest fyrir og um aldamótin, en lítið eftir það. Hún vakti verðskuldaða athygli bókmenntamanna vestra. Kvæði hennar eru einföld og ljóðræn, mörg þeirra ættjarðarljóð. Bestu ljóð hennar eru dapurleg og rómantísk, birta rótleysistilfinningu landnemanna á látlausan hátt. Heildarútgáfa á ljóðum hennar kom út 1952, Kvæði.

Jólin um daginn

Jeg man hversu dapurt um daginn
og dauðalegt útlitið var,
þá sorglega svipþunga blæinn
öll sjáanleg tilvera bar;
dimmt var, það sást ekki sólin,
og samt voru þá komin jólin.

Hríðin á húsþaki dundi
og hálffylti gluggann með snjó,
einmana í illviðri stundi
eikin í líðandi ró,
því geislandi græðandi sólin
hún gat þá ei vermt hana um jólin.

Mitt hjarta varð bugað af harmi
er hátíð svo dapra jeg leit;;
en vonin mjer bærðist í barmi
og bæn mín varð örugg og heit,
að ljómandi, lífgandi sólin
þá lýsi er næst koma jólin.

Product details:
Reykjavík. Ísafoldarprentsmiðja, 1952.