Bókin - netbókabúð

Hin hvítu skip # 52553 [Óbundin]

Verð:	3.900 kr.

Afgreiðslutími:	1-3 dagar, að jafnaði.
Tungumál:	Íslenska
Ástand:	Gott eintak.
Vörunúmer:	#52553

Innihald
Hin hvítu skip. Ljóð eftir Guðmund Böðvarsson.

Í 12. árg. Einreiðarinnar 22. tbl. er fjallað um Hin hvítu skip Guðmundar Böðvarssonar. Þar segir: Bókaútgáfan „Heimskringla" hefir nýlega gefið út nýja ljóðabók eftir Guðmund bónda Böðvarsson á Kirkjubóli á Hvitársíðu, er heitir Hin hvítu skip. Tímaritið Eimreiðin kynti hann íslenskum lesendum fyrir nokkrum árum, með kvæðum er vöktu talsverða athygli, en fæstir vissu þá hver maðurinn var. Fyrir tæpum þrem árum gaf hann út ljóðabókina Kysti mig sól. Fekk hún hlýjar viðtökur og þóttust margir sjá að þarna væri efnilegt ljóðskáld á ferðinni. Það er óhætt að fullyrða, að með hinni nýju bók efnir Guðmundur þær vonir — og betur til — sem menn gerðu sjer um hann eftir að hafa lesið fyrri bókina. Hjer er um stórframför að ræða. Guðmundur yrkir ekki aðeins altaf vel heldur oftast nær ágætlega. Hin hvitu skip færa nokkur afbragðskvæði, sem eru meðal hins allra besta, er ort hefir verið á íslandi á seinustu árum. Hjer er ekki rúm til að rekja þetta nánar, en þó má minnast á kvæði eins og Við hverfisteininn 1936, Fjarða-Björn, Eyrar-rós o. fl. — Það er sæmd íslenskri bændastjett að enn skuli hún ala upp menn eins og Guðmund Böðvarsson. Sem skáld lætur hann lítið yfir sjer, er heill og hreinn, þróttmikill með köflum en þó er eins og saknaðarstrengur titri i hörpu hans. Hann yrkir af innri þörf, hefir fengið sönggáfuna í vöggugjöf, og hefir ekki grafið hana i jörðu sem betur fer.
Með þessari nýju bók hefir Guðmundur tekið sjer sæti á fremsta bekk meðal íslenskra Ijóðskálda.

Um bókina
Reykjavík. Heimskringla, 1939.