Bókin - netbókabúð

Sagan af Dimmalimm # 79648 [Óbundin]

Verð:	9.500 kr.

Afgreiðslutími:	1-3 dagar, að jafnaði.
Tungumál:	Íslenska
Ástand:	Gott eintak.
Vörunúmer:	#79648

Innihald
Sagan af Dimmalimm. Ævintýri með myndum eftir Mugg.
Guðmundur Thorsteinsson - Muggur var fæddur á Bíldudal, sonur hjónanna Ásthildar Guðmundsdóttur og Péturs J. Thorsteinssonar útgerðarmanns. Hann fluttist árið 1903 þá 12 ára gamall með fjölskyldu sinni til Kaupmannahafnar. Fjölskyldan flutti svo aftur til Íslands árið 1910 en varð þá Guðmundur eftir. Hann bjó ýmist á Íslandi eða Danmörku og ferðaðist mikið. Dvaldi hann m.a. um lengri eða skemmri tíma í Þýskalandi, Noregi, Svíþjóð, Ítalíu, Spáni, Frakklandi og Bandaríkjunum. Guðmundur lést 27. júlí í Sölleröd á Sjálandi, Danmörku og var jarðsettur í kirkjugarðinum við Suðurgötu í Reykjavík.
Dimmalimm á sér mjög sérstaka sögu. Vorið 1921 Muggur var á ferðalagi og var stefnan sett á Ítalíu þar sem hann hugðist vinna að stóru verki, altaristöflu með myndefninu Kristur læknar sjúka, en það efni hafði lengi verið honum hugleikið. Áður en hann fór til Ítalíu fór Muggur að heimsækja systur sína Guðrúnu og Gunnar Egilsson eiginmann hennar. Þau eiga litla dóttur sem heitir Helga sem er alltaf kölluð Dimmalimm og er mjög góð vinkona Muggs. Hann langar að færa frænku sinni eitthvað sérstakt og er að velta þessu fyrir á leiðinni til Guðrúnar. Hverju hafa nú litlar prinsessur eins og Helga gaman af? Hvað með ævintýrin? Þau eru nú alltaf skemmtileg. Prinsessa sér frosk verður vinur hans og svo allt í einu breytist hann í prins. En hvernig væri nú að hafa svan í staðinn fyrir frosk? Helga á líka lítinn frænda sem heitir Pétur, hann gæti verið prinsinn. Þannig mótast hugmyndin að Dimmalimm hjá Muggi og hann byrjar að teikna myndir, skrifa texta við þær og úr verður ævintýrið Sagan af Dimmalimm. Þegar skipið kemur að landi er Dimmalimm tilbúin og Muggur kemur færandi hendi til litlu frænku sinnar.
Það liðu meira en tuttugu ár þar til Dimmalimm var loks gefin út á bók. Hún varð strax mjög vinsæl og er í miklu uppáhaldi hjá börnum á öllum aldri enn þann dag í dag og hefur Sagan af Dimmalimm verið prentuð í þúsundum eintaka á fjölda tungumála.

Um bókina
Lithoprent 1955.