Bókin - netbókabúð

Heimur Hávamála # 78449 [Forlagsband, kápa]

Verð:	4.900 kr.

Afgreiðslutími:	1-3 dagar, að jafnaði.
Tungumál:	Íslenska
Ástand:	Gott eintak.
Vörunúmer:	#78449

Innihald
Heimur Hávamála eftir Hermann Pálsson.

Hávamál eru í hópi þeirra kvæða sem hver hugsandi Íslendingur telur sér skylt að lesa af gaumgæfni, ekki einungis í því skyni að kynnast Óðni hinum Háva", höfuðskáldi allra norrænna þjóða frá upphafi vega, heldur einnig til að fræðast um mannleg verðmæti og vandamál af vörum hins forna goðs. En með því að kvæðið er myrkt á köflum telja spekingar rétt að lesa það í ljósi þeirra rita sem skáldið kann að hafa numið á sínum tíma. Á hinn bókinn þykir fróðlegt að veita einhver skil á Hallgrími Péturssyni og öðrum meisturum sem færðu sér Hávamál í nyt.
Fyrsti kaflinn á Heimi Hávamála eftir Hermann Pálsson í Edinborg fjallar um eðli þeirra og gerð, hinn næsti rekur heilræði og önnur spakmæli í réttri stafrófsröð. Þriðji bálkur er um hugmyndir í hinu forna kvæði, þar er vikið að kenningum Óðins um konur og ástir, vináttuog víðförli, hugrekki og siðgæði, glaðlyndi, gjafmildi, hófsemi, örlög og önnur atriði sem Óðni voru sérstaklega hugfólgin. Þessu næst fylgja kaflar um forn minni, píslir Óðins og rúnir, galdur og latnesk spekiorð frá fyrri öldum sem hníga í sömu átt og kenningar Hávamála. Að lokum fylgja skrár um þau fornrit og önnur hjálpargögn sem stuðst er við.
(káputexti)

Um bókina
Reykjavík. Menningarsjóður, 1990.

Þeir sem keyptu þessa bók keyptu einnig

Hávamál og Völuspá # 78359

Hávamál í ljósi íslenskrar menningar # 62030