Bókin - netbókabúð

Vatna-Brandur # 70579 [Forlagsband]

Verð:	2.900 kr.

Afgreiðslutími:	1-3 dagar, að jafnaði.
Tungumál:	Íslenska
Ástand:	Gott eintak.
Vörunúmer:	#70579

Innihald
Vatna-Brandur. Frásagnir úr lífi og starfi athafnamanns. Sigþór Sigurðsson tók saman. Björgvin Salómonsson bjó til prentunar.
Hér segir af Brandi J. Stefánssyni frá Litla- Hvammi í Mýrdal. Brandur fæddist árið 1906 og lést árið 1994. Sigþór Sigurðsson rekur æviferil Brands að miklu leyti eftir viðtölum við hann sjálfan frá síðustu æviárum Brands. Það er sannarlega athyglisverð lesning. Brandur sagði vel frá og var ótrúlega minnungur á löngu liðna tíð. Brandur fékk fyrsta bílinn sem kom þangað austur og hóf flutninga á vörum og fólki. Um langt árabil svamlaði hann á bíl sínum og bílum yfir ár og vegleysur allt vestur að Markarfljóti og þótti afburða duglegur og snjall, enda hlaut hann sæmdarheitið Vatna-Brandur. Sérleyfishafi var hann síðar um árabil, gistihúseigandi, vegaverkstjóri og á margt fleira lagði hann gjörva hönd. Þetta er því saga þrekmennis og athafnamanns, en jafnframt drjúgur hluti af samgöngumálum héraðsins. En þó að saga þessi sé skemmtileg og matarmiklar frásagnir af ævintýralegum slarkferðum þar að finna, er hún líka talsvert dapurleg þegar fram í sækir. Hún sýnir hversu oft er settur fótur fyrir dugmikla framkvæmdamenn og reynt að kæfa framtakssemi þeirra. Brandur fór ekki varhluta af þeirri leiðu tilhneigingu.
Mikill fjöldi mynda er í ritinu og hafa margar þeirra ótvírætt sögulegt gildi.

Um bókina
Vík. Sögufélag Vestur-Skaftfellinga, 1997.