Innihald
Ljóðmæli og ýmislegt fleira. Eptir Jón Þorleifsson prest að Ólafsvöllum.
Í Baldri 1. árg, 9. tbl 1868 er fjallað um útkomu ljóðabókar séra Jóns á Ólafsvöllum. Þar segir:
BÓKAFREGN.
Ljóðmæli og ýmislegt fleira eptir Jón Þorleifsson, prest á Ólafsvöllum. Kaupmnanah. 1867, útg. Páll Sveinsson.
Vjer munum eigi fara mörgum orðum um, hvort Ijóðmæli þessi sje þess verð, að gefa þau út, og kosta til fje og ómaki. Þau eru mörg dásnotur og lagleg, en vantar alveg allan dýpri skáldlegan krapt og merg. Vjer ætlum að vísa og vísa innan úr geti verið þess verð að hafa yfir við tækifæri, en vart nógu merkilegt til að safna því í bók og gefa út. "Úr hversdagslífinu" er dásnoturt, það sem það er; en varlega er segjandi, hvernig höfundurinn hefði komizt frá því, að halda því fram. Sagan er dásnotur, það sem hún er, og lítið rýrir það hana, þótt ýmisleg tilgerð og útlenzkur smeygi sjer inn á milli; þeirra gætir lítið.
Pistlarnirn eru mjög góðir, jeg hefði næstum freistazt til að segja ágætir, einkum pistillinn um hann Olaf með húfuna. Útgerð bókarinnar að pappír og prentun er allsnotur, en útgefandinn (sá, sem bjó handritið undir prentun og sá um prentunina), hefir leyst sitt starf siður af hendi en skyldi. Því að auk þess, sem bókin er rettritunarlaus, eins og flest, sem prentað er í Höfn af ísl. bókum, og sem hinir yngri íslendingar þar eiga að sjá um prentun á, þá er það hneyksli og skömm, að útg. skuli eigi hafa verið passíusálmunum kunntigri en svo, að vers úr þeim skyldi slæðast inn í sálma sjera Jóns. Versið "þá þú gengur í guðshús inn", kann víst hver fjósadrengur á íslandi, en þjóðskáld íslendinga sjer um prentun á kveri þessu, og er þó ekki kunnugri ritum Hallgríms Pjeturssonar en að tarna? Hver skyldi hafa hugsað það?
|
