Bókin - netbókabúð

Helsingjar # 76818 [Forlagsband]

Verð:	6.900 kr.

Afgreiðslutími:	1-3 dagar, að jafnaði.
Tungumál:	Íslenska
Ástand:	Gott eintak.
Vörunúmer:	#76818

Innihald
Helsingjar. Kvæði eftir Stefán frá Hvítadal.
Stefán Sigurðsson frá Hvítadal var fæddur árið 1887 á Hólmavík við Steingrímsfjörð. Foreldrar hans voru Sigurður Sigurðsson smiður sem kenndur var við Fell í Kollafirði og kona hans Guðrún Jónsdóttir. Hann ólst upp í Kollafirði fyrstu árin og síðan í Hvítadal. Stefán var hneigður til bóka en naut lítillar fræðslu í æsku. Þegar hann var átján ára gamall fór hann að heiman og hafði ofan af sér með ýmsum störfum. Hann hóf prentnám en varð að hætta þegar hann varð fyrir því slysi að missa hægri fótinn fyrir ofan ökklalið. Haustið 1912 hélt hann til Noregs og vann þar í skipasmíðastöð. Þar veiktist hann af berklum og kom heim ári 1915. Hann kvæntist Sigríði Guðbjörgu Jónsdóttur og hóf búskap að Bessatungu í Saurbæ í Dalasýslu. Hann þótti ekki mikill búmaður enda var hann sjaldnast heill heilsu. Hann undi sér þó vel í sveitinni eins og mörg kvæða hans bera vott um. Stefán var einn af brautryðjendum nýrrar stefnu í ljóðagerð þar sem hann lýsir eigin tilfinningum, sorgum og gleði í bundnu máli.

Fram til heiða

Vængir blaka - hefjast hátt,
heiði taka; þrárnar seiða.
Sólheit vakir sumarnátt,
svanir kvaka fram til heiða.

Blána fjöll og birtir nótt,
brak og sköll um heiðarlendur.
Vatna-föllin vaxa ótt,
vetur höllum fæti stendur.

Um bókina
Reykjavík, 1927.

Þeir sem keyptu þessa bók keyptu einnig

Stefán Jónsson á Höskuldsstöðum # 58257

Hjá fljótinu # 77421

Ekki einleikið # 72232